drsujnanendra's DOCTORSDOC: କରୋନା: ଭୟ,ଚିନ୍ତା ଓ ଆତଙ୍କ

ଆମେ ସମସ୍ତେ ବର୍ତ୍ତମାନ କିଛିଟା ଭୟ ଏବଂ ଚିନ୍ତା ଅନୁଭବ କରୁଛୁ | ଆମ ମସ୍ତିଷ୍କ ଭିତରେ କଣ ଚାଲିଛି ସେ ବିଷୟରେ କହିବା ଆରମ୍ଭ କରିବା | ଆପଣ ଭାବୁଥିବେ କି ଲୋକମାନେ କିରାଣି ଦୋକାନରେ ନିତ୍ୟ ବ୍ୟବହାର୍ଯ୍ୟ ଦ୍ରବ୍ୟ ବହୁ ମୂଲ୍ୟ ଦେଇ ସୌଚାଳୟ କାଗଜ ପରି କିଣୁଛନ୍ତି? ଅଧିକନ୍ତୁ ଆପଣ କଣ ଆଶ୍ଚର୍ଯ୍ୟ ହୁଅନ୍ତି ନାହିଁ ଯେ ଏହା, ହଠାତ ଆପଣଙ୍କୁ ମଧ୍ୟ ସମାନ କାର୍ଯ୍ୟ କରିବାକୁ ଉତ୍ସାହିତ କରେ?

ଆସନ୍ତୁ ଏହା ପଛରେ ଥିବା ମନସ୍ଥାତ୍ବ ବିଜ୍ଞାନକୁ ଅନୁଧ୍ୟାନ କରିବା

ଆମର ବଞ୍ଚିରହିବାର କୌଶଳ ଅନେକାଂଶରେ ଭୟ ଉପରେ ଆଧାରିତ | ଯେତେବେଳେ ଆମ ସହିତ କିଛି ଭୟାନକ ଘଟଣା ଘଟେ, ଆମେ ଅଭିଜ୍ଞତାକୁ ଧ୍ୟାନ ଦେଇଥାଉ ଏବଂ ଭବିଷ୍ୟତରେ ଏହାକୁ ଏଡାଇବାକୁ ଶିଖିଥାଉ | ଏହା ସମସ୍ତ ଜୀବ ଜଗତର ପ୍ରତ୍ୟେକ ପ୍ରାଣୀର ଅନୁବଂଶିକ କ୍ରିୟା ଅଟେ | ଆଜିର ମଣିଷ, ତାର ପ୍ରାଚୀନ ପିତୃପୁରୁଷଙ୍କଠାରୁ ଉତ୍ତରାଧିକାରୀ ସୂତ୍ରରେ ଲାଭ କରିଛି | ଏହାକୁ ପୁରସ୍କାର-ଆଧାରିତ ଶିକ୍ଷା କୁହାଯାଏ ଏବଂ ଏହାର ତିନୋଟି ଉପାଦାନ ଅଛି: ଏକ ଭୟ ବା ଆଘାତ, ପ୍ରତିକ୍ରିୟା ବା ଆଚରଣ ଏବଂ ଫଳାଫଳ ବା ପୁରସ୍କାର | ଆମେ, ଦୀର୍ଘ ତୀକ୍ଷ୍ଣ -ଦାନ୍ତିଆ ବାଘକୁ ଦେଖୁ - ତାହା ହେଉଛି ଭୟ | ଆମେ ପଳାୟନ କରୁ - ତାହା ହେଉଛି ଆଚରଣ | ଆମ ପିଲାମାନଙ୍କୁ ଜଙ୍ଗଲର ସେହି ଅଂଶରୁ ଦୂରେଇ ରହିବାକୁ କହିବା ପାଇଁ ଆମେ ବଞ୍ଚୁ - ତାହା ହେଉଛି ଫଳାଫଳ ବା ପୁରସ୍କାର |

ବିଗତ ନିୟୁତ ବର୍ଷ ମଧ୍ୟରେ ସମୟାନୁକ୍ରମେ, ଆମର ମସ୍ତିଷ୍କ ଏକ ନୂତନ ସ୍ତର ବିକଶିତ କଲା, ଯାହାକୁ ନିଓକୋର୍ଟକ୍ସ କୁହାଯାଏ | ନିଓକୋର୍ଟକ୍ସ ହେଉଛି ମସ୍ତିଷ୍କ କର୍ଟେକ୍ସର ସବୁଠାରୁ ବଡ ଅଂଶ ଯାହାକି ମସ୍ତିଷ୍କର ବାହ୍ୟ ସ୍ତର ଅଟେ, ଅବଶିଷ୍ଟ ଅଂଶଗୁଡିକ ଏଲୋ କର୍ଟେକ୍ସ ର ଉପାଦାନ | ଏହି ନୂତନମସ୍ତିଷ୍କ ରେ ପ୍ରିଫ୍ରଣ୍ଟାଲ୍ କର୍ଟେକ୍ସ ଅନ୍ତର୍ଭୁକ୍ତ, ଯାହା ଚିନ୍ତା ଏବଂ ଯୋଜନା ସହିତ ଜଡିତ | ଭବିଷ୍ୟତ ପାଇଁ ଯୋଜନା କରିବା ପାଇଁ ଆମର ପ୍ରିଫ୍ରଣ୍ଟାଲ୍ କର୍ଟେକ୍ସ ସଠିକ୍ ସୂଚନା ଆବଶ୍ୟକ କରେ | ସୂଚନାର ଅଭାବ ଅନିଶ୍ଚିତତା ସୃଷ୍ଟି କରେ ଏବଂ ଭୟ ସହିତ ଅନିଶ୍ଚିତତା ଚିନ୍ତାର କାରଣ ହୋଇଥାଏ |

ସେଥିପାଇଁ ହୃଦୟଙ୍ଗମ କରିବାକୁ ହେବ ଯେ: ଭୟ + ଅନିଶ୍ଚିତତା = ଚିନ୍ତା |

ଆମେ ଜାଣୁ, ବର୍ତ୍ତମାନ କରୋନାଭାଇରସ୍ ସଂକ୍ରମଣର ସମ୍ଭନ୍ଧରେ ଅନେକ ଅନିଶ୍ଚିତତା ଅଛି, ଯାହା ଅନେକ ଚିନ୍ତାର କାରଣ ପାଲଟିଛି | ଚିନ୍ତା ଏକ ଜୀବାଣୁ ପରି ବ୍ୟାପିବାରେ ଲାଗିଛି ଯାହାକୁ ସାମାଜିକ ମାନସିକ ସଂକ୍ରମଣ କୁହା ଯାଇପାରେ | ସାମାଜିକ ସଂକ୍ରମଣକୁ ଭାବପ୍ରବଣତା ବୋଲି ଭାବନ୍ତୁ | ମୁଁ କ’ଣ କହିବାକୁ ଚାହୁଁଛି? ଯଦି ଆପଣ ଫୋନରେ ଚିନ୍ତିତ ବ୍ୟକ୍ତିଙ୍କ ସହିତ କଥା ହୁଅନ୍ତି, ଆପଣ ମଧ୍ୟ ଚିନ୍ତିତ ହୋଇପାରନ୍ତି | ଯଦି ଆପଣ ସୋସିଆଲ ମିଡିଆ ପୋଷ୍ଟ ପଢ଼ନ୍ତି ,ଯେଉଁଠାରେ ଲୋକମାନେ ଭୟଭୀତ ହେଉଛନ୍ତି, ଆପଣ ମଧ୍ୟ ଭୟଭୀତ ହୋଇପାରନ୍ତି | ସେପରି ସୂଚନା,ଏକ ଲୁକ୍କାୟିତ ତୁଳନାତ୍ମକ ସୃଷ୍ଟି କରେ ଯାହା ସମ୍ବନ୍ଧୀୟ ନୁହେଁ, କିନ୍ତୁ କିଛି ସାଧାରଣ ବୈଶିଷ୍ଠ୍ୟ ବାଣ୍ଟିଥାଏ, ତାହା ପଢିବା ସମୟରେ, କେହି ଆପଣଙ୍କ ମସ୍ତିଷ୍କରେ ଛିଙ୍କିବା ଭଳିଆ ଲାଗିପାରେ |

ତେଣୁ, ଚିନ୍ତା + ମାନସିକ ସଂକ୍ରମଣ = ଆତଙ୍କ |

ଯେତେବେଳେ ଏହା ଘଟେ, ଆମର ପ୍ରିଫ୍ରଣ୍ଟାଲ୍ କର୍ଟେକ୍ସ ଅଫ୍ ଲାଇନ୍ ହୋଇଯାଏ | ଆମର ମୂଳ ଚିନ୍ତାଧାରା ରେ ବ୍ୟାଘାତ ହେବା ଫଳରେ ମସ୍ତିଷ୍କ ଚିନ୍ତା କରିପାରିବ ନାହିଁ | ସେଥିପାଇଁ ଦୋକାନରେ ଏତେ ସଂଖ୍ୟକ ଲୋକଙ୍କୁ ବହୁତ ପରିମାଣରେ କିଣୁଥିବାର ଦେଖୁଁ | ଅନେକ ସମ୍ଭବତଃ ବହୁତ କିଣିବାକୁ ଯୋଜନା କରୁନଥିଲେ, କିନ୍ତୁ ଯେତେବେଳେ ଅନ୍ୟ କାହାକୁ ଦେଖନ୍ତି, ସେମାନେ ଭୟଭୀତ ହୋଇ ତାଙ୍କୁ ଅନୁସରଣ କରନ୍ତି |

ତେବେ ଦୈନିକ ନିକ ହାତ ଧୋଇବା ସ୍ୱଚ୍ଛତା ଅଭ୍ୟାସ କରିବା ସହିତ, ଆପଣ କିପରି ଭଲ ମାନସିକ ସ୍ୱଚ୍ଛତା ଅଭ୍ୟାସ କରିପାରିବେ? ଏହି ପ୍ରକ୍ରିୟା କିପରି କାର୍ଯ୍ୟ କରେ ଜାଣିବା ଏକ ଭଲ ପ୍ରଥମ ପଦକ୍ଷେପ |

ଭୟ ସୁସ୍ଥ ଅଟେ | ଚିନ୍ତା ଏବଂ ଆତଙ୍କ ବିପରୀତ ଅଟେ | ସେମାନେ ଆମକୁ ମୂର୍ଖ କାର୍ଯ୍ୟ କରିବାକୁ ଆଗେଇ ନିଅନ୍ତି | ଆମର ପ୍ରିଫ୍ରଣ୍ଟାଲ୍ କର୍ଟେକ୍ସକୁ ଅନ୍ଲାଇନ୍ରରେ ରଖିବା ପାଇଁ ଆମକୁ ଏକ ସରଳ ଉପାୟ ଦରକାର ଯାହା ଦ୍ୱାରା ଆମେ ଆପଦକୁ ପ୍ରତିହତ କରିବାପାଇଁ ଯୋଜନା କରିପାରିବାରେ ସକ୍ଷମ ହୋଇପାରିବା |

କୋଭିଡ ୧୯ ର ଶାରୀରିକ ତଥା ମାନସିକ ସଂକ୍ରମଣକୁ ପ୍ରତିହତ କରିବା ପାଇଁ କେତେକ ସରଳ ଏବଂ ସମ୍ଭବପର ଆଚରଣ ହେଲା:

· ବାରମ୍ବାର ହାତ ସାବୁନ ଏବଂ ସ୍ୱଚ୍ଛ ପାଣିରେ ସଫା କରନ୍ତୁ |
· ଆଖି, ନାକ ଏବଂ ପାଟି ଛୁଇଁବାରୁ ଦୂରେଇ ରୁହନ୍ତୁ |
· ଛିଙ୍କ ଓ କାଶକୁ ଘୋଡାଇ ରଖନ୍ତୁ |
· ଜନଗହଳି ପୂର୍ଣ୍ଣ ସ୍ଥାନରୁ ଦୂରେଇ ରୁହନ୍ତୁ ଏବଂ ଜ୍ୱର କିମ୍ବା କାଶ ଥିବା ବ୍ୟକ୍ତିଙ୍କ ସହିତ ଘନିଷ୍ଠ ସମ୍ପର୍କରେ ରହନ୍ତୁ ନାହିଁ |
· ଯଦି ଆପଣ ଅସୁସ୍ଥ ଅନୁଭବ କରୁଛନ୍ତି ତେବେ ଘରେ ରୁହନ୍ତୁ |
· ଯଦି ଆପଣଙ୍କର ଜ୍ୱର, କାଶ ଏବଂ ନିଶ୍ୱାସ ନେବାରେ ଅସୁବିଧା ଅଛି, ତେବେ ଶୀଘ୍ର ଚିକିତ୍ସା କରନ୍ତୁ -
· ସାମାଜିକ ଦୂରତ୍ୱ ଆପଣେଇନିଅନ୍ତୁ
· ସବିଶେଷରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେଲା କେବଳ ବିଶ୍ୱସ୍ତ ଉତ୍ସରୁ ଆସିଥିବା ସୂଚନାକୁ ଗ୍ରହଣ କରନ୍ତୁ |

ମୁଁ ଏକ ବ୍ୟକ୍ତିଗତ ଉପସଂହାର ରେ ଶେଷ କରିବାକୁ ଚାହେଁ | ପୂର୍ବରୁ ଘଟିଥିବା ମହାମାରୀ ପରି ବର୍ତ୍ତମାନର କରୋନାଭାଇରସ୍ ସଂକ୍ରମଣ ନିଶ୍ଚିତ ଭାବରେ କ୍ଷଣସ୍ଥାୟୀ ଏବଂ ଖୁବ୍ ଶୀଘ୍ର ଏନେଇ ସମସ୍ତ ଅନିଶ୍ଚିତତାର ଅନ୍ତଘଟିବା ସହିତ ମାନବ ସମାଜ ପୁଣି ବିକାଶ ପଥରେ ଅଗ୍ରସର ହେବ | ଯଦି ଆମେ ସମସ୍ତେ କମ୍ ଭୟଭୀତ ହେବାର ଅଭ୍ୟାସ କରିପାରିବା, ତେବେ ଆମେ ଉପସ୍ଥିତ ବୁଦ୍ଧି ସମ୍ପର୍ଣ୍ଣ ଏବଂ ଶାନ୍ତ ହୋଇପାରିବା| ତଦ୍ୱାରା ,ଆମର ଚିନ୍ତାଧାରା, ମସ୍ତିଷ୍କକୁ ଚିନ୍ତା ତଥା ଯୋଜନା ପ୍ରସ୍ତୁତ କରିବା କ୍ଷମତାକୁ ଦ୍ବିଗୁଣିତ କରିପାରିବ |

ଡାକ୍ତର ସୁଜ୍ଞାନେନ୍ଦ୍ର ମିଶ୍ର

ବଲାଙ୍ଗୀର